نشرة الصباح
من سنين وانا متعودة أصحى وقبل ما أفتح عينى تكون إيدى بتفتح التليفزيون
وطبعا متبرمج على قنوات الأخبار ويبدأ الفوقان والفطار النكدى على الريق ودى بداية نهارى كل يوم
وطبعا احنا دلوقتى فى أجازة يعنى الولاد بيناموا للظهر فبحبحها على فى مشاهدة الأخبار
ولما بيصحوا بتبدأ الشكوى يا ماما حرام عليكى كل يوم كده
يا مامتى شوفى صباح الخير يا مصر
دى حتى دمها خفيف وفيها أغانى
طيب شوفى شوية أغانى علشان تفتح نفسك وتحضري لنا فطار كويس
أصلى بصراحة بعد الأخبار بيجيلى سدة نفس وبكره حتى أشوف الأكل
والولاد الضحية بيدوها ساندوتشات لغاية الغدا
وحاليا خسوا النص
بداية كئيبة وحلوة
صح
ما أنا حذرتكم
إرسال تعليق
